СҚО-да профессор Жанбатыр Сартаев 10 жылдан бері батырлар туралы дерек жинаумен айналысады
Медицина ғылымдарының докторы, профессор, Қазақстан және Ресей әскери ғылымдарының академигі Жанбатыр Сартаев қазақ даласында бейбітшілік пен тыныштық үшін күрес жүргізіп, өз өмірін қиған ержүрек жауынгерлер туралы ақпарат жинаумен айналысады. Ол 10 жыл ішінде көп дерек жинай алды, деп хабарлайды QZ Мedia тілшісі.
Профессор Жанбатыр Сартаев ержүрек жауынгерлердің есімдерін мәңгілікке қалдыру өте маңызды деп санайды.
“Бірінші батыр — Жамбыл ауданындағы Орталық ауылында туған Сүйіндік батыр. Бұл 2019 жылы еді, айта кету керек, батырлардың ашылуына, танылуына ҚР Ұлттық ұланы көмектесті, мысалы, Орталық ауылына қайта жерлеуге баруға рұқсат берді. СҚО аумағында ғұмыр кешкен екінші батыр — Мықтыбай. 1720 жылы туған. 14 жасында Абылай ханның көзіне түскен”, – деді медицина ғылымдарының докторы, профессор, ҚР және РФ әскери ғылымдарының академигі Жанбатыр Сартаев.
Шілде айында Қарағанды облысында Мықтыбай батыр мен Солтүстік Қазақстанда туған тағы 40 жауынгер қаза тапты. Олар уланған құдықтан су ішті, дейді зерттеуші.
“Біз өткен жылы сол жерден бір уыс топырақ әкеліп, СҚО Жамбыл ауданы Баян ауылында қайта жерледік. Бұл біздің облыс үшін үлкен жаңалық болды. Ағаларымен бірге өз әскерін құрған Жанкеұлы Жанатай батыр туралы да мәліметтер бар, олар 9 адам болған, барлығы соғысқан. Өткен жылы Есіл ауданының Өрнек ауылында мемориал аштық. Төртінші батыр – Жанатай Аханұлы. Бұл – Айыртау ауданы Орловка ауылының батыры, мен осы батырға арналған мемориалдың ашылуына қатыстым”, – деді Жанбатыр Сартаев.
2023 жылы Жанатай Аханұлының туғанына 300 жыл толды. Бұл – Абылай ханның барлауында қызмет еткен ержүрек жауынгер.
“Жазда тарих ғылымдарының кандидаты, Қозыбаев университетінің профессоры Анатолий Андреевич Плешаков екеуміз Жамбыл ауданының Архангелка ауылында туған батырымыз – Жәнібек батыр Төлекұлы Ырыстегінің жерленген жерін анықтадық. Біздің барлық деректеріміз бойынша ол 1643 жылы Ағынтай және Жанатай батырлармен бірге Орбұлақ шайқасына қатысқан. Соғыс қимылдарынан кейін Жәнібек батыр Архангелкаға оралып, сол жерде медресе салып, ауыл балаларын ғылымға, сондай-ақ жекпе-жек өнеріне үйретті”, – деді профессор.
Зерттеуші батырлар туралы ақпарат іздеуді жалғастыруды жоспарлап отыр.