Петропавлдағы су мұнаралары жайлы аңыздар мен шындық
Өткен ғасырдың басында Петропавлда су құбыры салынды. Саудагерлердің күш-жігерінің арқасында оған 9 жыл кетті. Іске олар 1901 жылы кірісті. Біздің заманымызға міндетті өркениет игілігімен қатар қалада су мұнаралары пайда болды. QZ MEDIA редакциясы облыс орталығында қандай су мұнаралары барын айтып береді.
Петропавлда барлығы бес су мұнарасы бар. Оның ең танымалы қаланың дәл ортасында Брусиловский көшесінде орналасқан. Ол 1902 жылы салынған. Оның негізгі функциасы – сумен жабдықтау, кәріз жүйесін басқару және резервтік сумен қамтамасыз ету. Мұнара қаланың орталық бөлігін өрттен құтқару мақсатында салынған. 20 ғасырдың 90-шы жылдарына дейін ғимарат мақсатты пайдаланылды. Содан кейін ол коммерциялық басқаруға берілді. Қазір онда фотостудия, йога студиясы және мейрамхана бар.
Ғимарат Петропавл қалалық атқару комитетінің (1982 жылғы 18 наурыздағы №115) шешімімен қорғауға алынған. Сәулет ескерткіші алты ярусты сегіз қырлы пішінді. Үстіңгі жағы ағашпен қапталған, ол сыртқа шығып, қарау алаңына кіруге мүмкіндік береді. Бұрын нысанға баспалдақпен көтерілу керек болса, қазір ғимаратта лифт бар. Мұнараның биіктігі 27 метрді құрайды. Қала орталығындағы ескі мұнара әрқашан қала тұрғындарының назарын аударып, көптеген аңыздарға ие болды. Ең ақылға сыймайтыны – онда елестің бары. Шындыққа жанасатын аңыз қабырғадағы тесікпен байланысты. Мұнара азаматтық соғыс кезінде атылған деген нұсқа бар. Бірақ кейін нысан жөнделген.
Танымалдығы жағынан екінші мұнара вокзалда орналасқан. Өткен ғасырдың басында ол өрт сөндіруге, пойыздарды, қоғамдық тамақтандыру орындары мен қоғамдық дәретханаларды сумен қамтамасыз етуге арналған. Қазір ол мақсатына сай пайдаланылмайды. Мұнара Сібір темір жолдарының типтік жобасы бойынша жасалған. Жоғарғы қабат ағаштан жасалған. Күнделікті мұнараны мыңдаған адам көреді. Сондықтан оның бастапқы көрінісі мейлінше сақталмақ.
Локомотив депосының жанында да бір су мұнарасы орналасқан. Оның жанына паровоз орнатылған. Өткен ғасырда ол өрт сөндіруге, теміржол көліктерін, ванналарды және асхана депосымен сумен қамтамасыз етуге пайдаланылған. Ғимарат мақсатты пайдаланылмауда. Сыртқы өні жақсы сақталған. Терезелер мұнараның кейбір есіктері сияқты тақтайлармен және кірпіштермен мұқият жабылған. Ішке кіру мүмкін емес. Мұнараның салынғанына бір ғасырдан асса да оның алғашқы өні жақсы сақталған.
Тағы бір су мұнарасы ет комбинатының аумағында орналасқан. Ол туралы көп дерек жоқ. Болжам бойынша, ол өртті сөндіруге және жақын маңдағы нысандарды сумен қамтамасыз етуге арналған. Ол мақсаты бойынша пайдаланылмайды және оның ішін көру мүмкін емес
Соңғы мұнара Жұмысшы кентіне баратын темір жолдағы жаяу жүргіншілер көпірінің жанында орналасқан. Өткен ғасырдаол өрт сөндіру, пойыздарды және жақын маңдағы тұрғын үй-жайларды сумен қамтамасыз етуге пайдаланылды.
