Петропавлда еліміздің үздік шабандоздары бәйгеде бақ сынайды
June 2, 2025 10:17
14 маусым күні Қызылжар ауданындағы «Құлагер» ипподромында бәйгеден Қазақстан Республикасының чемпионатының үшінші кезеңі өтеді, деп хабарлайды QZ News.
Еліміздің түкпір-түкпірінен келетін үздік шабандоздар 22,7 миллион теңге көлеміндегі басты жүлде мен турнирдің финалына жолдама үшін бақ сынайды.
Жарыс төрт дәстүрлі ат спорты түрінен өтеді:
- Құнан бәйге
- Топ бәйге
- Аламан бәйге
- Жорға жарыс
Көрермендер үшін бұдан бөлек, сонымен қатар ойын-сауық бағдарламалар,жанды музыка және OLIMPBET компаниясы ұсынған сыйлықтар ойнатылады. Бұл – тұлпар тұяғының дүбірін сезініп, Ұлы Даланың рухын түйсінуге таптырмас мүмкіндік.
Өтетін орны: «Құлагер» ипподромы, Қызылжар ауданы
Басталуы: 12:00