Аққайың ауданында дәнді дақылдардың түсімі гектарына 20 центнерден асты

2024 жылы Аққайың ауданында ауыл шаруашылығы дақылдарының алқабы 217 мың гектарды құрады, деп хабарлайды QZ News тілшісі.

168,8 мың га немесе 100% алқапта дәнді және бұршақты дақылдарды құлату және жинау жүргізілді. Бастырылған өнім көлемі 388,6 мың тоннаны құрады, түсім – 23 ц/га. Майлы дақылдарды жинау алаңы 30,5 мың га құрады. Бастырылған өнім – 42,5 мың тонна, өнімділік – 14 ц/га.

“Жем-шөп дақылдарының алаңы 17,7 мың гектарды құрады. Аудан бойынша 57,9 мың тонна шөп, 32,1 мың тонна пішен, 74,9 мың тонна сүрлем, 52,2 тонна сабан дайындалды. Картоп 201,7 га алқапта жиналып, 2,9 мың тонна өнім алынды, өнімділік гектарына 146,2 центнерді құрады”, – деп атап өтті аудан әкімдігінде.

26,7 мың тонна немесе 100% көлемінде тұқым дайындалды. Оның 11 мың тоннасы тексеруге келіп түсті.