«Мен кез келген ауа-райында нәтиже көрсетуге тырысамын», – дейді агроном Айдос Әбілов

Агроном кез келген ауа райы жағдайында жұмыс істей білуі керек. Айдос Әбілов осы ұстанымды берік ұстанады. Солтүстікқазақстандық еңбек жолын «Атамекен-Агро» ЖШС-де бастаған. Онда есепші, агроном-егісші, бригадир болды. Одан кейін «Ақ-Жер 2010» ЖШС-не жұмысқа орналасты, деп хабарлайды QZ News тілшісі.

«Мен осы ЖШС-да үш жыл жұмыс істедім. Жұмысымда жақсы нәтиже көрсеткенде агроном болып тағайындалдым. Бізге тәжірбиеге келген жастарға бұл мамандықтың қыр-сырын үйретуге тырыстым. Қазіргі агроном-тұқымшыны да бар білгеніммен  үйреттім. Сәуір айында «Асхат Агро» ЖШС-не жұмысқа орналастым. Жұмыс беруші ұсынған шарттар ұнаған соң, Жамбыл ауданынан Мамлют ауданына көшіп келдім», – дейді «Асхат Агро» ЖШС агрономы Айдос Әбілов.

Айдос Әбілов өткен орақ науқанында ауа-райының қолайсыздығына қарамастан ашық күндерді пайдаланып, астықты  сапалы жинауға тырыстық дейді.

«Біз егіннің 80 пайызын құрғақ күйде жинадық. Ең соңында күнбағысты жинағанымызда біраз қиындықтар болды. Өйткені жаңбыр жауып, қар жауды, бірақ үлгердік. 8 комбайн далада болды, механизаторларымыз түнгі 2-3-ке дейін жұмыс істеді. Олар ашық күнде егін жинау керектігін түсінді. Жалпы егіс көлемі 7300 гектарды құрайды. Дәнді дақылдардан 37 ц/га, майлы дақылдардан 25 ц/га, бұршақ дақылдарынан (бұршақ) -30 ц/га алдық», – дейді Айдос Әбілов.

Келесі жылы «Асхат Агро» ЖШС майлы және бұршақ дақылдарының алқаптарын ұлғайтады, деді Айдос Әбілов. Ол өз жұмысын қиын деп санамайды, агроном тек ойланып әрекет ету керек дейді.

«Ылғал көп болған кезде бұл жаман, бірақ онсыз да қиын. Кез келген ауа райы жағдайында нәтиже көрсетіп, тыңайтқыштарды дұрыс енгізуге тырысамын. Егін егілгеннен бастап орақ біткенше босаңсуға болмайды.», – дейді «Асхат Агро» ЖШС агрономы Айдос Әбілов.