СҚО-да Агротехникалық колледждің студенттері алқаптарда тәжірибе толықтырады

Саумалкөл ауылындағы Агротехникалық колледж студенттері Сансызбай Хамзин басқаратын «Лобаново» ЖШС-де ұзақ өндірістік практикадан өтеді. Олар – «Ауыл шаруашылығын механикаландыру» және «Электр газымен дәнекерлеуші» бағыты бойынша мамандық алатын балалар, деп хабарлайды QZ News тілшісі.

Агротехникалық колледж студенттері өздерін егін егу және жинау науқаны барысында көрсетті. Кейін олар бір жылдық және көпжылдық шөптерден азық дайындау кезінде еңбек етті, қатты жемшөп дайындаудың технологиялық тізбегіндегі жұмыстардың барлық түрлерінен өтті.

“Балалардың оқуға және жұмыс істеуге деген зор ынтасын байқадық, бұл біздерді қуантады. Олар алынған білімді өндірісте қолданады және шеберлік шыңдайды. Біз бүгін түлектердің оқуын өз мойнымызға алуға дайынбыз деп ашық айтып отырмыз. Ең бастысы, балалардың ауыл шаруашылығы саласында жұмыс істеуге ынталарының болуы. Жақсы мамандарсыз болашағымыз жоқ”, – деп атап өтті “Лобаново” ЖШС басшысы Сансызбай Хамзин.