Сауд Арабиясында әкесін азаптап өлтірген америкалық өлім жазасына кесілді

16 тамызда Сауд Арабиясында әкесін азаптап өлтіргені үшін АҚШ азаматы өлім жазасына кесілді. Осылайша, биыл бұл елде өлім жазасына кесілген шетелдіктердің саны 19-ға таяп отыр, деп хабарлайды QZ MEDIA тілшісі Zakon.kz сайтына сілтеме жасап.

Бишой Шариф Наджи Насифтің өлім үкімі Эр-Рияд аймағында орындалды, деп хабарлады SCMP.Сотта жасы аталмаған Насифтің әкесін ұрып-соғып, тұншықтырып өлтіргені, ал қайтыс болғаннан кейін оның денесін тілгілегені, сонымен қатар есірткі қолданып, тағы бір адамды өлтірмек болғаны анықталды.Қылмыскерге өлім жазасы қалай орындалғаны белгісіз. Бірақ бұрын Сауд Арабиясында өлім жазасын орындау үшін бас кесуге жиі таңдау жасалған. Ал АҚШ өлім жазасына қатысты бірден түсініктеме берген жоқ.

«Бұл мәселеден хабардармыз және жағдайды бақылап отырмыз, бірақ бізде нақты мәліметтер жоқ», – деді мемлекеттік департаменттің өкілі Ведант Патель.

Оның айтуынша, АҚШ-тың консулдық қызметкері Насифпен соңғы рет шілде айында жүздескен. Amnesty International ұйымының мәліметі бойынша Сауд Арабиясы өткен жылы өлім жазасына кесілгендердің саны бойынша әлемде үшінші орынға тұрақтаған.

АҚШ азаматынан басқа, мұнда Бахрейн, Бангладеш, Мысыр, Үндістан, Иордания, Непал, Пәкістан, Филиппин және Йемен сияқты елдерден келген адамдарға өлім үкімі шығарылыпты.

Король Салманның ұлы, елдің іс жүзіндегі билеушісі және тақ мұрагері Мұхаммед бен Салман патшалық өлім жазасын қысқартып жатқанын бірнеше рет айтты. Ол «кісі өлтіру немесе біреу көптеген адамдың өміріне қауіп төндіретін жағдайларды қоспағанда, патшалық өлім жазасынан құтылды» деп мәлімдеді.