Қоғамнан оқшауланған қазақстандықтар

ІІМ Қылмыстық-атқару жүйесі комитетінде (ҚАЖК) Қазақстандағы бас бостандығынан айыру орындарында қанша адам жазасын өтеп жатқаны айтылды, деп хабарлайды QZ Мedia тілшісі Tengrinews.kz. АА сілтеме жасап.

ҚАЖК мәліметтері бойынша, Қазақстанда 63 пенитенциарлық мекеме және 17 тергеу изоляторы жұмыс істейді.

“Қазіргі уақытта оларда 29 мыңға жуық ер адам, 2 мың әйел, сондай-ақ 52 кәмелетке толмаған бала жазасын өтеп жатыр”, – деп хабарлады ведомствода.

Көбінесе қылмыстық-атқару жүйесі мекемелерінде кісі өлтіру, денсаулыққа қасақана ауыр зиян келтіру, ұрлық, есірткі заттарының заңсыз айналымы, сондай-ақ алаяқтық сияқты қылмыстар үшін жаза өтеледі.Ал бас бостандығынан айыруға байланысты емес жазаны 28 мыңға жуық ер адам, 3,5 мың әйел және 143 кәмелетке толмаған адам өтеуде.

Алматы облысындағы №10 әйелдер мекемесі жанынан әйелдер мен олардың балаларының бірге тұруына арналған Балалар үйі құрылды. Онда топтарға бөлінген 44 бала бар – кеудедегі, жөргектегі және ересек.

“Қара бүркіт” – Қазақстанның ең қорғалатын колониясы. Мұнда өмір бойы бас бостандығынан айырылғандар жазасын өтейді. Бір сотталғанды “Қара бүркітте” ұстау үшін мемлекеттік қазынадан ай сайын 181 мың теңге бөлінеді (2023 жылға арналған деректер бойынша).

Алматының орталығында елдегі жалғыз балалар колониясы орналасқан, оны халық “единичка” деп атайды. Егер бұрын мұнда жүздеген жас қылмыскер ұсталған болса, қазір олардың саны айтарлықтай азайды және 50 адамнан аспайды. Соңғы бірнеше жылда мекемедегі контингент те айтарлықтай өзгерді.

2022 жылы ІІМ Қазақстанда барлығы 34 мың адам қамауда отырғанын, оның 28 мыңы колонияларда және 6 мыңы тергеу изоляторларында екенін хабарлады.