Петропавлда 21 сәуірден бастап жылыту маусымы аяқталады
April 18, 2025 20:16
Петропавл қаласы әкімдігі 2024–2025 жылдардағы жылыту маусымын 21 сәуірден бастап аяқтау туралы шешім қабылдады. Бұл туралы «Севказэнерго» АҚ мәлімдеді, деп хабарлайды QZ News.
«Жылыту маусымының аяқталуы — дәл осы күні қаладағы барлық үйде жылу бірден өшіріледі дегенді білдірмейді. Жылу беру кезең-кезеңімен, 10 күн ішінде тоқтатылады. Бұл – қаланың жылумен қамту жүйесінің теңгерімін сақтау үшін қажет. МИБ/ПИК басшыларына ішкі үйлік жылу жүйелеріндегі тартпаны жабу, ал ыстық су бар үйлерде жүйені жазғы режимге ауыстыру тапсырылды. Радиаторлар жылудан ажыратылған соң 2–3 сағат ішінде суыйды», – делінген хабарламада.