19 наурызда Сергеев су қоймасының асып төгілуі 7 см жетті

«Қазгидромет» СҚОФ мәліметінше, 2025 жылғы 19 наурыздағы сағат 08:00-дегі жағдай бойынша Сергеев су қоймасындағы бөгеттен су 7 см асып төгілді, деп хабарлайды QZ News.

Су айдынының жағдайы – мұз қатқан, мұз үстінде су бар. Сергеев су қоймасының көлемі – 701 млн текше метр. Су деңгейі – 807 см. Синоптиктердің болжамы бойынша, 19-21 наурыз аралығында күндізгі ауа температурасы 8-13°C дейін көтеріліп, түнде 0-5°C аралығында болады.

«Солтүстік Қазақстан облысында қардың қарқынды еруі, еріген судың жиналуы, мұздың жұқаруы және өзендердегі су деңгейінің көтерілуі күтілуде. Соның салдарынан автожолдар, елді мекендер, тұрғын үйлер мен шаруашылық нысандарын су басу қаупі бар», – деп хабарлады «Қазгидромет» СҚОФ.