2025 жылы СҚО-да 10 жоба жүзеге асырылады
Солтүстік Қазақстан облысының өңдеу өнеркәсібінің дамуы туралы СҚО кәсіпкерлік және индустриялық-инновациялық даму басқармасы басшысының орынбасары Азамат Шаймерденов айтып берді, деп хабарлайды QZ News.
2024 жылдың қаңтар-желтоқсан айларында облыстың өнеркәсіп секторында 705,2 млрд теңгенің өнімі өндірілді. Оның 84,9%-ы немесе 598,6 млрд теңгесі өңдеу өнеркәсібіне тиесілі.
«Бұл көрсеткіштер өңдеу өнеркәсібіндегі жобаларды іске қосу есебінен қамтамасыз етілді. 2024 жылдың қаңтар-желтоқсан айларында бұл салаға 57,9 млрд теңге инвестиция тартылды, нақты көлем индексі – 177,2%. 2025 жылдың қаңтар-ақпан айларында өнеркәсіптік өндіріс көлемі 103,4 млрд теңгені, ал өңдеу өнеркәсібі 81,7 млрд теңгені құрады», – деді Азамат Шаймерденов.
Өңірде 512 млрд теңге инвестиция құйылған, 5 664 жаңа жұмыс орнын ашуды көздейтін 34 инвестициялық жоба әзірленіп, іске асырылуда. Оның ішінде 2024 жылы 19 млрд теңгеге 11 жоба іске қосылып, 532 жаңа жұмыс орны ашылды. Олардың бірі – жылына 50 мың текше метр өнім өндіруге қауқарлы ағаш өңдеу зауыты.
«Сонымен қатар, кәсіпорын айналасында 30 заңды тұлға мен 90 жеке кәсіпкерден тұратын өнеркәсіптік белдеу құрылды. Бұл шамамен 3,5 мың адамды жұмыспен қамтыды. Сондай-ақ, 12,8 млрд теңге инвестиция құйылып, 160 жаңа жұмыс орны ашылған алкогольді сусындар шығаратын зауыт өңірдегі ең ірі салық төлеушілердің бірі болып отыр. Тайынша ауданында макарон цехы бар диірмен кешені, Есіл ауданында асфальт-бетон зауыты іске қосылды», – деді спикер.
2025 жылы 83,6 млрд теңгеге 1 108 жаңа жұмыс орнын ашатын 10 жобаны жүзеге асыру жоспарланған. Негізгі жобалардың бірі – «Евразиан Милк» қоюландырылған сүт өндірісі. Жоба құны шамамен 15 млрд теңгені құрайды. Ғ. Мүсірепов ауданында «Қазақстан Бидайы» компаниясы 3,5 млрд теңгеге жарма және үлпек шығаратын зауыт ашады.
«Өңір үшін жаңа жобалардың қатарында саңырауқұлақ фермасы мен компост зауыты бар. Бұл кәсіпорында жылына 1 200 тонна өнім өсіріліп, өңделеді. Жалпы инвестиция көлемі – 11,3 млрд теңге. Сондай-ақ, «ЗИКСТО» ЖШС жүк және жолаушылар вагондарын шығаратын жаңа өндірісті іске қосуды жалғастырады. Компания бұл жобаға 24,3 млрд теңге инвестиция салуды жоспарлап отыр», – деп атап