Айыртау ауданында құрғақ бие сүтін өндіретін ферма салынуда

Айыртау ауданында ірі инвестициялық жоба жүзеге асуда. Ол – жалпы сыйымдылығы 33,4 мың тонна болатын «Агро Елецкое» ЖШС көкөніс қоймасының құрылысы, деп хабарлайды QZ News тілшісі.

Сыйымдылығы 18,5 мың тонна болатын екі қойма ғимаратының құрылысы жүргізілуде. Инвестицияның жалпы сомасы 4,5 млрд теңгені құрайды, 30-ға дейін жаңа жұмыс орны құрылады.

Ал Кутузовка ауылында «Север Агро Лтд» ЖШС құрғақ бие сүтін өндіретін ферманың құрылысы басталды. Жаңа ферма Мұғалжар тұқымды 400 бас жылқы ұстауға шақталған, бұл кәсіпорын жылына 12 тонна құрғақ өнім өндіруге мүмкіндік береді.

«Жоба Индустрияландырудың бірыңғай картасының бір бөлігіне айналды. 3,2 млрд теңге көлемінде инвестиция тартуды көздейді. Облыста жергілікті экономиканы дамыту және 15 жаңа жұмыс орнын құру үшін жаңа мүмкіндіктерді ашатын жалғыз жоба болып табылады», – деді өңірлік коммуникациялар қызметінің алаңында Мейрам Меңдібаев.