«Ауыл құтқарушылары»: ТЖМ басшысы Қызылжар ауданында ведомстволық бағдарламаның жүзеге асырылуымен танысты

Қазақстан Республикасының Төтенше жағдайлар министрі, генерал-майор Шыңғыс Әрінов Солтүстік Қазақстан облысына жұмыс сапары барысында Қызылжар ауданының Новоникольское ауылындағы өрт сөндіру бекетіне барды.

Министр жеке құраммен кездесіп, техника мен жабдықтарды қарап шығып, жергілікті атқарушы органдарға қарасты бөлімшенің жұмыс жағдайымен танысты.

«Ауыл құтқарушылары» бағдарламасы аясында Новоникольское ауылындағы өрт сөндіру бекетіне заманауи жабдықтар мен өртке қарсы техника, соның ішінде мотопомпалар, қорғаныс құралдары, жауынгерлік киім жиынтықтары, өрт сөндіргіштер және бензин бүріккіштер берілді. Бұл өрттер мен басқа да төтенше жағдайларға жедел әрекет ету тиімділігін арттыруға мүмкіндік береді.

Шыңғыс Әрінов ерікті өртке қарсы құрылымдар үшін бірыңғай стандарт қалыптастырудың маңыздылығын атап өтті.

«Біз бірыңғай генокод жасадық, енді ерікті өрт сөндіру құрылымдарының (ЕӨҚ) өз логотипі бар – бұл жай ғана белгі емес, біздің командалардың ұйымшылдығы мен кәсібилігінің көрінісі. Ол бірыңғай стандартты белгілейді, бұл болашақта жұмысты жетілдірудің негізіне айналады. Жақын арада біз оларды заманауи байланыс құралдарымен жабдықтаймыз, бұл олардың жеделдігі мен тиімділігін айтарлықтай арттырады», – деді ТЖМ басшысы.