Егістікке шығып, оралмаған: ТЖД қызметкерлері СҚО-да екі жұмысшыны құтқарды

Түнде Солтүстік Қазақстан облысының 112 нөміріне жұмыс берушіден қоңырау түсіп, таңертең шөпке трактормен шыққан екі шаруашылық жұмысшысы жоғалып кеткенін хабарлаған, деп жазады QZ News.

ҚР ТЖМ мәліметінше, құтқарушылар тәжірибелі орманшыны ертіп, жол талғамайтын техникамен іздеуге шыққан. Біраз уақыттан кейін олар Қызылжар ауданы, Кондратовка ауылынан 10 шақырым жерде трактор мен екі ер адамды тапқан.

“Белгілі болғандай, олардың көлігі байланыс жоқ батпақты жерде тұрып қалған, сондықтан таңнан бері жолдарын жалғастыра алмаған. Құтқарылғандардың біріне ТЖ қызметкерлері медициналық көмек көрсетті. Екеуі де эвакуацияланып, елді мекенге жеткізілді”, – деп хабарлады ҚР ТЖМ.