Kozybaev University беделді «Best Performed Academy» сыйлығымен марапатталды
Kozybayev University өкілдері HUAWEI компаниясының Қазақстан Республикасының жоғары оқу орындарында оқытудағы және студенттермен жұмыс жасаудағы ерекше жетістіктері үшін ашылған академияларды марапаттау салтанатты рәсіміне қатысты. Іс-шараға университеттен нұсқаушылар Галина Савостина мен Гүлнар Ким қатысты, деп хабарлайды QZ News тілшісі.
«Жыл соңында Қозыбаев университеті ақпараттық-коммуникациялық технологиялар саласындағы оқытудың жоғары стандарттары мен студенттердің белсенді дамуын растайтын беделді «Best Performed Academy» сыйлығымен марапатталды. Бұл марапат біздің академияның білікті мамандарды дайындауға қосқан елеулі үлесін көрсетеді және оның техникалық білім беру саласындағы көшбасшылардың бірі ретіндегі беделін нығайтады», – делінген Қозыбаев университетінің баспасөз қызметі таратқан хабарламада.