Мамлют ауданында белсенділер зейнеткерлердің ауласын қардан тазартты

Өткен аптада Солтүстік Қазақстан облысында толассыз қар жауып тұрғындарды әбігерге салды. Мамлют ауданында белсенділер қолдарына күрек алып, жалғызіліктізейнеткерлерге аулаларындағы қарды тазалауға көмектесті, деп хабарлайды QZ News тілшісі.

«Таза Бейсенбі» акциясына жастар ресурстық орталығының волонтерлері, жергілікті партия мүшелері мен түрлі ұйымдардың қызметкерлері қатысты. Күні бойы еріктілер көмекке зәру жалғызілікті қарттардың үйлерінің алдын қардан тазартты.

«Бізде қыс қарлы, көптеген зейнеткерлер үшін қарды тазалау күрделі мәселеге айналады. Біз осы акцияны ұйымдастырып  қарттарға көмектесуге бел будық. Одан бөлек, үй шаруасына көмектесіп, су әкеліп бердік. Жасы ұлғайған сайын егде адамдар үшін күнделікті тұрмыстық жағдай қиынға соғады. Біз қолымыздан келгенше көмектесіп жатырмыз. Қамқорлығымызға қарттарымыз дән риза.», – дейді ұйымдастырушылар.