Саумалкөлде 4 адам көмірқышқыл газынан зардап шекті

Таңертең Айыртау ауданы Саумалкөл ауылында жеке тұрғын үйде көмірқышқыл газынан улану оқиғасы орын алды. Оған түтін мұржасының бітелуі себеп болды, деп хабарлайды QZ News тілшісі.

СҚО ТЖД мәліметінше, соның салдарынан 4 адам зардап шекті: 2 әйел, 52 және 75 жаста, 55 жастағы ер адам және 15 жастағы бала. Зардап шеккендер аудандық ауруханаға жатқызылды. Ер адамның жағдайы қанағаттанарлық, ауруханаға жатқызудан бас тартты.