СҚО әкімі су тасқыны жағдайы туралы: «Жалпы, өңірдегі жағдай тұрақты»

Солтүстік Қазақстан облысының әкімі Гауез Нұрмұхамбетов Сергеев су торабына барып, өңірдегі су тасқыны жағдайы туралы жауапты басшылардың баяндамаларын тыңдады. Қазіргі таңда Сергеев су қоймасындағы су тасу деңгейі 35 см құрап отыр. Еске сала кетсек, өткен жылы ең жоғарғы көрсеткіш 425 см болған еді, деп хабарлайды QZ News.

«Жалпы, өңірдегі жағдай тұрақты. Белсенді қар еруі салдарынан облыстық және аудандық жолдарда уақытша су тасу байқалды, алайда көлік қозғалысы шектелген жоқ, елді мекендерді су басу қаупі жоқ. Әкімдіктер мен полиция тәулік бойы кезекшілік ұйымдастырды. Су тасқыны қаупі бар аудандарға қосымша құтқарушылар мен арнайы техника жіберілді», – деп жазды өңір басшысы әлеуметтік желідегі парақшасында.

Облыс бойынша су тасқынына қарсы іс-шаралар жалғасуда. Қазіргі уақытта:

Суды сору жұмыстары жүргізілуде, Бөгеттерді бетон плиталармен нығайту аяқталуда, 2 мың ішкі кенттік құбыр тазартылды, 500 км ауыл маңындағы егістіктерде жырту жұмыстары жүргізілді, 200 мың м³ арықтар тазартылды, 119 мың қап-құм қоры дайындалды, 1,5 млн м³ қар сыртқа шығарылды.

Су тасқынына қарсы шараларға Ұлттық ұлан академиясы, Қарағандыдан келген ТЖМ әскери бөлімі және Петропавлдың аумақтық қорғаныс бөлімшесі жұмылдырылған. Облыс басшылығы су тасқыны жағдайын тұрақты бақылауда ұстап отыр.