СҚО-да шалғай ауылдардағы балаларды тасымалдау үшін қосымша 38 көлік сатып алынды

Ағымдағы жылы Солтүстік Қазақстан облысында 2,5 мыңнан астам баланы тасымалдау ұйымдастырылады. Бұлар – 285 елді мекеннің ұлдары мен қыздары, деп хабарлайды QZ Media тілшісі.

Күнделікті жағдайда көлікпен 1823 оқушы қамтылады, ал апта сайын – 875. Бұл – облыстық білім басқармасы ұсынған мәлімет.

«Бүгінде 147 көлік бар. Мектеп автобустарының паркі жыл сайын жаңартылып отырады. Өткен жылы мектеп оқушыларына арналған 29 автобус сатып алынды. Биыл тағы 38 бірлігін сатып алдық», – деді СҚО әкімдігі білім басқармасы басшысының орынбасары Татьяна Протопопова.