Су тасқыны – 2025: Жол жүру шектелген учаскелерде полиция кезекшілік етуде
Солтүстік Қазақстан облысында полиция қызметкерлері су тасқыны жағдайына байланысты жолдарды тәулік бойы бақылауда, деп хабарлайды QZ News.
Қар еріп, кейбір аймақтарда су тасу байқалғанымен, 20 наурыздағы жағдай бойынша автожолдардың басым бөлігінде қозғалыс сақталған. Ал жол жүру шектелген учаскелерде полиция жасақтары кезекшілік етуде.
Полицейлер жол қауіпсіздігін қамтамасыз етіп, су деңгейін бақылауда ұстап отыр, сондай-ақ жүргізушілерге жол жағдайы туралы жедел ақпарат беріп, төтенше қызметтермен тығыз жұмыс істеуде.
«Жағдай полицияның бақылауында, елді мекендерге қауіп төніп тұрған жоқ. Жүргізушілерден барынша мұқият болып, жол жағдайын ескеруді және төтенше қызметтердің нұсқауларын орындауды сұраймыз», – деп мәлімдеді департаменттің баспасөз қызметі.