Ербол Хамитов парабиатлоннан әлем кубогының жеңімпазы атанды
Швецияның Торсбю қаласында парабиатлоннан әлем кубогының соңғы кезеңі аяқталды. 7,5 км спринт жарысында алтынды Ербол Хамитов жеңіп алды. Ол бір рет мүлт кетіп, 75 метрлік айып шеңберін айналғанына қарамастан, қашықтықты сенімді еңсерді, деп хабарлайды QZ News Солтүстік Қазақстан облысының дене шынықтыру және спорт басқармасына сілтеме жасап.
Осы қашықтықта тағы бір өңір өкілі Сергей Усольцев тоғызыншы болып мәре сызығын кесті.
«Спортшыларымызды және олардың бапкерлік құрамын тамаша нәтижелерімен құттықтаймыз! Алда тағы бір спортшымыз – Александр Герлиц жарыс жолына шығады», – деп хабарлады Солтүстік Қазақстан облысының дене шынықтыру және спорт басқармасы.