Петропавлда тау шаңғысы бойынша біріншілік өтті

Демалыс күні тау шаңғысы бойынша Петропавл қаласының ашық біріншілігі өтті. Жарысқа 15 адам қатысты, деп хабарлайды QZ Мedia тілшісі.

“Біз үйірмеге 9 жастан 11 жасқа дейінгі балаларды қабылдаймыз. Қатысушылар слалом бағдарламасы бойынша мықтыны анықтайды. Мұнда төменге құлдилаған спортшы оң мен солға лезде бұрылып, фигураларды айналып өтеді”, – деді бас төреші Василий Шунько.

Жарыста спортшының жолды өту сапасы мен жылдамдығы ескерілді.

“Басында бұл спортпен танысып көрдім, маған өте ұнады. Бүгін менің алғашқы жарысым өтіп жатыр”, – деді сайысқа қатысушы Райымбек Игбергенов.

Үздік спортшылар түрлі марапаттарға ие болды.