Петропавлда үш күн бойы баскетболдан СҚО кубогы өтеді

Петропавлда баскетболдан 15-16 жас аралығындағы жасөспірімдер арасында облыс кубогы басталды, деп хабарлайды QZ News тілшісі.

Жыл сайынғы спорттық жарыс үш күнге созылады. Турнир облыс орталығына 96 жас спортшыны жинады.

“Аудандық 6 команда бар. Шал ақын, Есіл, Тайынша, Уәлиханов, Қызылжар, Мамлют аудандарынан балалар келді. Ал облыс орталығының намысын «Жеңіс» және «Барс» БЖСМ өкілдері қорғайды. Біз төрт командадан бөлініп, екі топта ойнаймыз, үшінші күні мықтыларды анықтаймыз, тарысты бәсекенің куәсі болмақпыз. Бірінші және екінші орын алған балалар бірінші ересектер дәрежесіне ие болады”, – деді жарыстың бас төрешісі Павел Антоненко.

Үздік спортшылар грамоталармен, кубоктармен және медальдармен марапатталады.