Қазақстан Сан-Марино құрамасын жеңді

2024 жылғы Еуропа чемпионатының іріктеу матчының екінші таймында Қазақстан Сан-Марино қақпасына үшінші голды соқты. Абат Айымбетов пенальтиден көзге түсті. Ойын біздің ұлттық құраманың пайдасына 3:1 есебімен аяқталды, деп хабарлайды QZ Мedia тілшісі Zakon.kz. сайтына сілтеме жасап.

Қазақстан құрамасы Сан-Мариноға қарсы ойында жеңіске жетті. Кездесу 3:1 есебімен аяқталды.Ислам Чесноков дубльмен ерекшеленді. Пенальтиден үшінші голды Абат Айымбетов соқты. Бұл – Еуро-2024 іріктеу кезеңіндегі Қазақстанның алтыншы жеңісі.

Қазір Қазақстан қоржынында 18 ұпай, ал Словения мен Данияда 19 ұпайдан бар.

18 қарашада Дания-Словения матчы өтеді, осы ойынның жеңімпазы Еуро-2024-ке мерзімінен бұрын шығады. Қазақстан құрамасы Сан-Мариномен матчқа келесі құрамда шықты: Шацкий, Қайыров, Малый, Марочкин, Быстров, Досмағамбетов, Чесноков, Бейсебеков, Зуев, Оразов, Айымбетов.

Ойынды Қасым-Жомарт Тоқаев аренада тамашалады. Бұл жолы оның қасында Димаш Құдайберген, Дмитрий Баландин және Ольга Рыпакова болды.

Қазақстан мен Сан-Марино Еуропа алаңдарында төртінші рет кездесті. Кездесулердің барлығы қазақстандықтардың пайдасына шешілді. Екі жеңіс Михал Билектің басшылығымен болды. Бір жеңіс Магомед Адиевтің қол астында болды (4:0, 3:1, 3:0).