СКО-ның көрнекті орындары Қазақстанның туристік жерлері бейнеленген жапсырмаларға енгізілді

Kazakh Tourism және Қазақстанның автомототуризм қауымдастығы автосаяхатшыларға арналған жапсырмалар шығарды. Қазақстанның туристік көрікті жерлері бейнеленген жапсырмалар сериясын қазірдің өзінде автокөліктерден көруге болады. Бұл туралы «Kazakh Tourism» АҚ-ның Telegram-арнасында хабарланды, деп хабарлайды QZ News.

Әр жапсырма елдегі танымал туристік нысандар мен қалаларға арналған. Осылайша, автосаяхатшылар өздерінің жапсырмалар коллекциясын жинап, жүріп өткен маршруттарын белгілей алады.

«Жоба басталған кезде Kazakh Tourism және Қазақстанның автомототуризм қауымдастығы 25 түрлі жапсырма шығарды. Коллекцияға Көлсай көлдері, Ассы үстірті, Марқакөл көлі, Катонқарағай ұлттық паркі, Ботай қонысы, Имантау-Шалқар, Тараз, Байқоңыр және басқа да табиғи көрікті жерлер мен қалалар енгізілді. Әр жапсырма тек естелік кәдесый ғана емес, сонымен қатар белгілі бір өңір немесе көрнекті орынға барғанын растайтын белгі болмақ. Автосаяхатшылар өз сапарларының маңызды кезеңдерін белгілеп, туған жерінің көрікті жерлерімен бөлісе алады», – делінген хабарламада.

Сонымен қатар, жапсырмалар жинағын жаңа өңірлер, нысандар мен туристік маршруттар қосу арқылы кеңейту жоспарланып отыр. Жапсырмаларды QR-код  арқылы жүктеуге болады.