Петропавлда саяжай иелеріне қауіпсіздік шаралары түсіндірілуде

СҚО Төтенше жағдайлар департаментінің қызметкерлері жергілікті атқарушы органдар өкілдері және еріктілермен бірлесіп, Есіл өзенінің жайылма аумағында орналасқан саяжай учаскелерінде профилактикалық жұмыс жүргізуде, деп хабарлайды QZ News.

Тұрғындарға қауіпсіздік шаралары, эвакуация маршруттары және су тасқыны кезінде әрекет ету тәртібі түсіндіріліп, хабарландыру алгоритмі мен төтенше жағдайлар қызметінің жедел нөмірлері еске салынуда. Мамандар Петропавл маңындағы барлық саяжай қоғамдарын (100%) қамтыды.

Еске сала кетейік, Сергеев су қоймасының бөгетінен су деңгейі көтерілуде. Сағат 12:00-дегі жағдай бойынша, ол 109 см болды.