Петропавлдық волонтерлер зейнеткерге ауласын тазалауға көмектесті

Петропавлда Жастар ресурстық орталығының қызметкерлері “Көмек қасыңда” волонтерлік қозғалысымен және мектеп оқушыларымен бірлесіп, жалғыз тұратын зейнеткерге көмек көрсетті, деп хабарлайды QZ News.

Жастар зейнеткердің ауласын тазалап, қоқыстан арылтып, оны жайлы әрі таза етуге атсалысты.

Іс-шараның басты мақсаты – тек физикалық көмек қана емес, аға буынға қамқорлық көрсету, ұрпақтар арасындағы байланысты нығайту және жастардың әлеуметтік жауапкершілігін арттыру.

«Бұл үйде тұратын әжей жастардың көмегін алып, ерекше әсерге бөленді. Ол акцияға қатысушыларға шынайы алғысын білдіріп, мұндай қолдаудың оған ұзақ уақыттан бері жетіспегенін айтты. Волонтерлер жұмысты аяқтаған соң, әжеймен әңгімелесіп, оған не қажет екендігі туралы білді. Бұл шара – бірлесе атқарылған еңбектің шынайы көмекке айналып, айналаны мейірімге толтыруының жарқын үлгісі», – деп мәлімдеді қалалық Жастар ресурстық орталығында.