«Қопай» шағын ауданында тұрғын үй құрылысы қарқынды жүргізіліп жатыр

Облыс орталығында «Қопай» шағын ауданындағы ескі үйлердің орнына жаңа шағын аудан қалыптасуда. Мұнда 605 пәтерлі жеті ипотекалық тұрғын үйдің құрылысы жүргізілуде, деп хабарлайды QZ News.

Жалпы шағын ауданда 3,8 мың пәтерлік 27 көпқабатты үй салу жоспарланған.

«Сонымен қатар мектеп, балабақша және емхана салу көзделіп отыр. Ескі үйлердің тұрғындары баспаналық жағдайларын жақсарту мүмкіндігіне ие болса, қала жаңа, жайлы өмір сүру мен даму аймағына қол жеткізеді», – деп атап өтті Ғауез Нұрмұхамбетов.