СҚО-да жолаушылар автобусы жол жиегіне түсіп кетті
Солтүстік Қазақстан облысында, Николаевка ауылының маңында «Жезқазған – Петропавл» автожолында жолаушылар автобусы жол жиегіне түсіп кетті. Автобустың ішінде 9 адам болған, деп хабарлайды QZ News.
«Төтенше жағдайлар министрлігі мен жергілікті атқарушы органдардың күштері оқу-жаттығу жұмыстарына бара жатып, жедел көмек көрсетті – автобус қайтадан жолға шығарылды. Абырой болғанда жүргізуші мен жолаушылар зардап шеккен жоқ және медициналық көмекке мұқтаж болмады», – деп мәлімдеді ҚР ТЖМ.