«Ол әрқашан белсенді және көңілді болтын», – деп мұғалімдер Юра Приходченко туралы естеліктерімен бөлісті

Бір жыл бұрын Жұмысшы кентінде жан түршігерлік оқиға болды. Бұл тек қала тұрғындарын ғана емес, бүкіл Қазақстанды елең еткізді. Бұл қарапайым кәсіпкерлер Приходченколар отбасында болды. Олардың бизнестегі бәсекелестері олардың өмірін аяусыз қиды. Құрбандардың бірі он жеті жасар Юрий еді. QZ News тілшісі бала оқыған Бірінші гимназияда болып, отбасымен жақын араласқан жандармен сұхбаттасты.

Елена Валерьевна Нагочевская Юра мен оның отбасын 5-сыныптан бастап білетін. Кейін оның сынып жетекшісі болды.

«Мен оны бастауыш сыныптан білемін. Ол әрқашан белсенді және көңілді болды. Юраның жақын араласатын 5 досы болатын. Олардың отбыс өте тату болды. Апасы Таня да біздің гимназияда оқыды. Юраның анасы үнемі белсенді болды. 5-сыныптан бастап сыныптың, мектептің іс-шараларына белсене қатысты. Маған Юраның бойындағы оның мейірімділігі, ашық, шыншылдығы ұнайтын. Оның бойында адамгершілік бар еді. Ал олардың отбасы мүшелерінің барлығында осындай қасиет болған. Балалар оны осы қасиеті үшін қатты құрметтейтін», – дейді сынып жетекшісі Елена Нагочевская.

Шатохина Дина Александровна мектеп кітапханасына жетекшілік етеді. Оның қызы Злата Юраның сыныптасы әрі жақын досы болған.

«Түнгі сағат 3. Мен ұйықтай алмаймын. Мен Юра туралы ойлаймын. Сүйікті қызымның қасында сенімді досым болғанына қатты қуандым. Олардың достығы ол оған гитарада ойнауды үйреткен кезде басталды. Жалпы, ол оны музыкаға әкелді. Жазда біз жиі велосипедпен жүретінбіз. Злата құлап, тізесін сындырды, ал Юра бірден бәрін сатып алып, жараны емдеді. Сондай мұқият және қамқор. Олар бірге болғанда мен қызым үшін еш қобалжымайтынмын. Әрқашан Златаны тамақтандырып жүретін», – дейді Дина Шатохина.

Баланың әпкесі Таня кітапханаға «Монополия» үстел ойынын сыйға тартты. Қазір балалар үзіліс кезінде үнемі жүгіріп барып ойнайды. Юраның естелігі мектеп қабырғасында сақталған.
Ол қайтыс болған күні Юра Дина Александровнаның мектеп кітапханасында ұзақ отырды. Армандады, болашаққа жоспар құрды, университетке түсу туралы айтты.

«Сол күні, 27 желтоқсанда ол менімен екі сағатттай болды. Біз біраз сөйлестік. Ол қайда оқуға түсетіні туралы айтты. Тіпті бәрі жақсы болатынын, қызым Злата міндетті түрде оқуға түседі деп мені жұбататын. Олар бірге болған кезде мен оларға сүйсінетінмін. Ол, әрине, мейірімді, ашық, зейінді жігіт еді. Мен қызыма ұлдар осындай болуы керек дейтінмін», – дейді Дина Александровна.

Естеріңізге сала кетейік, Жұмысшы кентінде үш кісі өлтіру оқиғасы 2023 жылдың 27 желтоқсанында болған.

Әкесі, анасы және 17 жасар ұлы айуандықпен өлтірілді. Жаңа жыл түні олардың мәйіті өз үйінен табылған. Полицейлер отбасын өлтірген күдіктілерді тез арада қолға түсірді. Кейін белгілі болғандай, бұған жерлеу бизнесіндегі бәсекелестік себеп болған. Жақында үш айыпталушының үкімі жарияланды: жерлеу бизнесімен айналысқан жеке кәсіпкер 27 жастағы Сергей Емельянов өмір бойына бас бостандығынан айырылды, Емельяновтың жұмысшысы 26 жастағы Данил Орлов, 21 жылға бас бостандығынан айырылды, ал 42 жастағы Ирина Скоробогатова, Емельяновпен бірге тұрған, «Петро-Спецобслуживание» ЖШС-нің негізін қалаушы – үш жыл бас бостандығынан айырылды.

Қайтыс болған кәсіпкердің қызы Татьяна Приходченко Скоробогатова мен Орловқа жазаны қатаңдату туралы сот шешіміне шағымданбақ.