Қазақстан Республикасы Энергетика вице-министрі Әлібек Жамауов: «Ресей Федерациясымен серіктестікте Солтүстік Қазақстан облысын газдандыру нұсқасын қарастырып жатырмыз»

Қазақстан Республикасы Энергетика вице-министрі Әлібек Жамауов жұмыс сапарымен Петропавлда жүр. Ол солтүстікқазақстандықтармен кездесіп, энергетика саласының дамуы туралы әңгімелеп, тұрғындардың сұрақтарына жауап берді. Шараға Солтүстік Қазақстан облысы әкімінің орынбасары Қанат Дүзелбаев модераторлық етті, деп хабарлайды QZ News тілшісі.

«Солтүстік Қазақстанда электр және жылу энергиясының жалғыз көзі – 2-ЖЭО. Станцияның негізгі жабдықтарының физикалық тозуы 55% құрайды. Бүгінгі таңда облыс бойынша электр энергиясын өндіру көлемі 2,236 млрд кВт/сағ құраса, облыс бойынша тұтыну 1,675 млрд кВт/сағ. Министрлік «СЕВКАЗЭНЕРГО» АҚ электр энергиясын өндірудің шекті тарифін 18,61 теңге/кВт/сағ деңгейінде бекітті», – деді Қазақстан Республикасы Энергетика вице-министрі Әлібек Жамауов.

Сонымен қатар, вице-министр өз баяндамасында Солтүстік Қазақстан облысындағы жанар-жағармай қорына тоқталды.

«Облыста 114 жанармай құю бекеті бар. Оның 6-ы дизельдік отынсыз, 11-і АИ-92 маркалы жанар-жағармай сатады, облыста 7 мың тоннаға жуық 92 маркалы бензин қоры бар. 27 күнге жетеді. АИ-95 – 0,90 мың тонна. Бұл 17 күндік қор. Дизельдік отынның онкүндік қоры бар – 6,17 мың тонна. Облыс бойынша АИ-92 бензинінің орташа бағасы литріне 204 теңге, АИ-95 – 255, дизель отыны – 294. Жанар-жағармай жеткізуде үзіліс жоқ», – дейді Әлібек Жамауов.

Оның айтуынша, Солтүстік Қазақстан облысын газдандыру жобасы Энергетика министрлігінің басым бағыты.

«Орталық және серверлік аймақтарды газдандыру мақсатында 2019 жылы «Сарыарқа» газ магистральдық желісі құрылысының бірінші кезеңі жүзеге асырылды. 2022 жылдың маусым айында «Сарыарқа» газ құбырының 2-3 кезеңінің құрылысына құжаттама әзірленді. Жобаның құны 188,5 млрд теңгені құрайды. Жобаны жүзеге асыру «Бейнеу-Бозой-Шымкент» газ құбырының 2-ші желісінің құрылысы аяқталғаннан кейін мүмкін. Біз Солтүстік Қазақстан облысын Ресей Федерациясымен серіктестікте газдандыру нұсқасын қарастырып жатырмыз. Коммерциялық-техникалық шарттар келісу сатысында», – деді ҚР Энергетика вице-министрі.

Бұл мәселені шешу, кейбір қала тұрғындарының айтуынша, ұзаққа созылған. Әлібек Жамауов екі ел қазіргі таңда Қазақстанға жеткізілетін көгілдір отынның бағасы бойынша ымыраға келмейтінін түсіндірді. Егер ол тым жоғары болса, азаматтар наразылық таныта бастайды, деді Энергетика вице-министрі. Соның бірі биылғы су тасқынымен байланысты болды, бұл кезде мұз электр желісінің тіректеріне зақым келтірді. Петропавлдықтарды облыстың келесі көктемге дайындықтары қызықтырды.

«Көктемде қала 24 күн сусыз қалды, біз оны көлден алдық. Қазір біз KAZ Minerals компаниясының демеушілігімен бірінші көтерме станцияны жаңғыртудамыз. Олар бізге 2,9 миллиард бөлді, қайта құру жұмыстары жүргізілді, қазір су астында және үстінде жұмыс істей алатын жаңа неміс гибридті сорғылары келіп жатыр. Су тасқыны кезеңіне дайындық барысында Петропавл маңында қорғаныс шараларын күшейтіп жатырмыз. Осындай жұмыстар аудандарда да жүргізілуде», – деді Солтүстік Қазақстан облысы әкімінің орынбасары Қанат Дүзелбаев.

Түстен кейін ҚР Энергетика вице-министрі Әлібек Жамауов ЖЭО-2-де болады.