2025 жылы Петропавлда жаңа экстремалды «Микс» аттракционы пайда болады

Петропавлда жаңа экстремалды аттракцион орнатылады. «Мир Аттракционов» ЖШС директоры Александр Козлов QZ News редакциясына жаңа аттракционның қандай болатынын, қайдан жеткізілетінін және оны кім орнататынын айтып берді.

Бірегей экстремалды аттракцион – «Микс» әткеншек енді облыс орталығында пайда болады «Мир Аттракционов» ЖШС директоры Александр Козловтың айтуынша, әткеншекті орнатудың жоспарланған мерзімі 2025 жыл. Ол мәдениет және демалыс саябағына орналастырылады.

«Бұған шамамен 110 миллион теңге инвестиция жұмсалмақ. Бұл Беларусьтің «Микс» аттракционы. Оны Белоруссияда «Атромикс» компаниясы шығарады. Ол Ресей мен Қазақстанның көптеген саябақтарында орнатылған. Бұл өте экстремалды әткеншектер. Әткеншекке келушінің көтерілетін биіктігі шамамен 11 метр. Оны сатып алу үшін біз «Даму» көмегімен несие алдық. Өтеу мерзімі тоғыз жылды құрайды», — деді Александр Козлов.

«Микс» әткеншегі – отырғыштары бар платформа және ол жылдамдықты мезгіл-мезгіл өзгерте отырып, бір жазықтықта шеңбер бойымен қозғалады.  Саябақта жаңа әткеншектерді орнату үшін орын белгіленіп, іргетасы құйылды.

«Қазіргі уақытта оның өндіріс уақыты 200 күн. Мұның бәрі жеткізуге байланысты. Ол мамырдың басында жеткізілуі әбден мүмкін. 10 мамырға дейін біз оны орнатамыз деп жоспарлап отырмыз. Біз оны өзіміз орнатуға құқымыз жоқ. Оны орнату үшін мамандар тобы келеді, бұл жерде біз де оларға тәуелдіміз», – дейді «Мир Аттракционов» ЖШС директоры.

Қаланың орталық саябағында 36 аттракцион болса, Жеңіс саябағында 20-ға жуық аттракцион бар.

«Біз аумақты абаттандырумен де айналысатын боламыз. Брусчаткалар төсеп, көрікті жерлерді жарықтандырамыз. Біз тағы да жарық шамдарын қосамыз, өйткені қазір қараңғыда көбірек жұмыс істейміз. Сондай-ақ жаңа ағаштар мен көшеттерді отырғызу арқылы саябақтарды абаттандыру да жоспарда бар», – деп атап өтті әңгімелесуші.