«Бірлік» шағын ауданында жаңа жылдық шырша шамы жағылды
Петропавлда Жаңа жылдың жақындағаны әр ықшамауданда, оның ішінде Бірлікте де сезіледі. Онда да шырша шамдары салтанатты түрде жағылды, деп хабарлайды QZ News тілшісі.
Облыс орталығындағы жаңадан салынған ықшамаудан тұрғындары жаңа жылдың бас символы шарша шамдарының жағылу салтанатына көптеп жиналды. Биыл су тасқынынан зардап шеккен отбасыларға қысқа мерзімде 700 үй салынып, балабақша пайдалануға берілді.
«Бірлік» ықшамауданында жергілікті өнер ұжымы кеш қонақтарына мерекелік көңіл-күй сыйлады. Іс-шараның ең кішкентай қатысушылары аниматорларды тамашалады. Мереке жарқын әрі қызықты өтті. Қалалықтар дөңгелене би билеп, сырғанақ теуіп, бір-бірін Жаңа жылмен құттықтады.