Петропавлда «Алтын Күз – Алтын Уақыт» көрмесі өтті

5-орта мектептің оқушылары қолданбалы өнер көрмесін ұсынды. Шара қарттарды қолдау айлығы аясында өтуде, деп хабарлайды QZ Media тілшісі.

Көрмеде балалар өздерінің шығармашылық қабілеттерін көрсетті. Олар табиғи материалдардан көркем композициялар жасады.

Ал ұл-қыздар өз туындыларын сүйікті ата-әжелеріне арнады. Іс-шараны Петропавл қалалық жастар ресурстық орталығының белсенділері қолдап, әр қатысушыға диплом мен бағалы сыйлық табыс етті.