Кітап сыйла – білім сыйла: Ұлттық кітап күніне орай Петропавлда акция өтті
Қазақстан Республикасы Президентінің жарлығымен ресми түрде бекітілген Ұлттық кітап күніне орай Петропавл қаласындағы Оқушылар сарайында «Кітап сыйлау» акциясы өтті. Шараны ұйымдастырушы — Сәбит Мұқанов атындағы Солтүстік Қазақстан облыстық балалар мен жасөспірімдер кітапханасы, деп хабарлайды QZ News.
Ұлттық кітап күні – бұл тек білімнің ең маңызды көзі саналатын кітапқа арналған күн ғана емес, сонымен қатар әрбір адамның, әсіресе өсіп келе жатқан ұрпақтың өміріндегі оқудың маңыздылығын еске салатын дата.
Бұл күн кітаптың адамның тұлға болып қалыптасуы, мәдениет және білім дамуының құралы ретіндегі маңызын айқындайды. Іс-шара аясында балаларға түрлі жанрдағы кітаптар тарту етіліп, кішкентай оқырмандар үшін нағыз мерекеге айналды.
Акция тек үй кітапханаларын толықтырып қана қоймай, балалардың оқуға деген қызығушылығын оятып, олардың дүниетанымы мен білім көкжиегін кеңейтуге ықпал етті.
