Өңір басшысы солтүстікқазақстандық жас дарындармен кездесті

СҚО әкімі спорт сарайы мен оқушылар сарайына барды. Сапар барысында Гауез Нұрмұхамбетов аталған нысандардың қызметімен танысып, аймақтың жас таланттарымен әңгімелесті, деп хабарлайды QZ Media тілшісі. 

Аймақ басшысына Александр Винокуров спорт сарайында күрес, жеңіл атлетика, көркем гимнастика және т. б. сабақтардың қалай өтетіні көрсетілді. Облыс әкімі тәрбиеленушілердің жақсы нәтижелерге қол жеткізіп жатқанын атап өтті. Спорт сарайы чемпиондарды тәрбиелеп қана қоймай, ересек тұрғындардың салауатты өмір салтын сақтауға мүмкіндік береді. Жаппай сырғанау да өте танымал. Жергілікті спортшылардың жаттығулары өткен мұз айдынында Гауез Нұрмұхамбетов те болды.

Әрі қарай өңір басшысы “Digital Urpaq” Оқушылар сарайына барды. Мұнда оқушылар үшін IT-салада, ғылыми-биологиялық, көркемдік-эстетикалық бағытта даму үшін барлық жағдайлар жасалған. Оқушылар сарайында әр бала өз қалауы бойынша сабақ алады. Өңір басшысы бірқатар зертханаға барды, онда оқушылардың жетістіктері туралы айтылды.

Облыс әкімі оқушылардың жетістіктерін жоғары бағалап, оларға табыс тіледі. Өңір басшысы оқушылар сарайы құнды кадрлар даярлауға және балалардың талантын дамытуға көмектесетінін атап өтті. Мұнда барлығы 3 мыңға жуық оқушы сабақ алады.