Республика күні: 34 солтүстікқазақстандық Мемлекет басшысының марапаттарына ие болды

Ертең, 25 қазанда қазақстандықтар көптен күткен мереке – Республика күнін атап өтеді. Мереке қарсаңында С. Мұқанов атындағы қазақ сазды-драма театрында салтанатты іс-шара өтті, деп хабарлайды QZ Media тілшісі.

Шараға көрнекті мәдениет қайраткерлері, мемлекеттік қызметшілер, педагогтар мен қоғам қайраткерлері қатысты. Қазақстан Республикасы Президентінің Жарлығымен 34 адам марапатталды, олардың барлығы елдің әлеуметтік-экономикалық және мәдени дамуына елеулі үлес қосты. Сондай-ақ, жиналғандарды облыс әкімі Гауез Нұрмұхамбетов құттықтады.

“Біз Қазақстанды бүкіл әлемде танытатын және күшті ететін жетістіктермен мақтанамыз. Біз республикамызда бейбітшілік пен тұрақтылықты бағалаймыз. Ел Президенті жариялаған ауқымды саяси реформаларды, Президенттің азаматтардың әл – ауқатын арттыру және өмір сүру сапасын жақсарту бойынша жасаған шешуші қадамдарын барлық қазақстандық қолдайды”, – деді Гауез Нұрмұхамбетов.

Қонақтарға арналған концерттік бағдарламаны өңірдің шығармашылық ұжымдары дайындады.