Солтүстік Қазақстанда түзеу мекемелерінде алимент бойынша борышкерлер жұмысқа орналастырылып жатыр

Солтүстік Қазақстан облысындағы түзеу мекемелерінде 39 алимент бойынша борышкер жазасын өтеп жатыр, деп хабарлайды QZ News тілшісі.

«No50 мекемеде жазасын өтеу кезінде қызын асырау үшін 1 миллион теңгеден астам қарызы бар алимент бойынша борышкер сотталушының жұмысқа орналаспағаны анықталды. Қабылданған шаралардың арқасында сотталушы «Щеголев» жеке кәсіпорнына жұмысқа орналастырылды», – делінген СҚО прокуратурасының хабарламасында.

Тексеру барысында қабылданған шаралар арқылы барлығы 11 алимент бойынша борышкер жұмысқа орналастырылды. Олардың жалпы қарыз сомасы 22,4 млн теңге.

«Атап айтқанда, No48 мекемеге 18,8 млн теңге қарызы бар 6 сотталған, No51 мекемеге 2,5 млн теңге қарызы бар 3 борышкер, No50 мекемеге 2 борышкер жұмысқа орналастырылды. 2,1 млн теңге қарызы бар», – деп хабарлады прокуратура.