СҚО-да «Sampo» маркалы комбайндарды шығару басталды

Облыс әкімі Ғауез Нұрмұхамбетов «Mahindra Group» концернінің өкілі, «Sampo Rosenlew» компаниясының бас директоры Девен Катария және коммерциялық директоры Сами Сеппаламен кездесті, деп хабарлайды QZ Media тілшісі.

Компания «Қазтехмаш» зауытында «Sampo» маркалы комбайндарды шығарады. Кәсіпорынның қуаттылығы жылына 100 бірлік техниканы құрайды. Жобаның сәтті жүзеге асуы үшін мемлекет тарапынан барлық жағдай жасалып, «Qyzyljar» арнайы экономикалық аймағының қатысушысы атанды.

«Кездесу барысында ынтымақтастықты одан әрі дамыту, өндірісті оқшаулау үлесін ұлғайту, мамандарды оқыту және техникаға қызмет көрсету мәселелері талқыланды», – деп жазды өңір басшысы әлеуметтік желідегі парақшасында.