Жетістіктер мен кемшіліктер: СҚО-ның 2023 жылғы 9 айдағы дамуы облыстық әкімдікте талқыланды

СҚО-ның тұрақты дамуының негізгі көрсеткіші ауыл шаруашылығы болып табылады, алайда биыл салада біраз қиындықтар болды. 2023 жылғы қаңтар-қыркүйектің қорытындысы бойынша өнімнің жалпы шығарылымы 685,8 млрд теңгені құрады. Бұл өткен жылмен салыстырғанда бірсыпыра аз, деп хабарлайды QZ Media тілшісі.

Өсімдік шаруашылығында өнім өндірісі 21%-ға төмендеді. Бұл биылғы ауа-райының қолайсыздығына байланысты, соның салдарынан фермерлер аз өнім алды, атап айтқанда, түсім астық пен бұршақ дақылдарына қатысты. Бірақ мал шаруашылығы өнімінің көлемі 2,8%–ға артты.

“2023 жылдың қаңтар-қыркүйегінде 457,6 млрд теңгеге өнеркәсіп өнімі өндірілді. Өңдеу өнеркәсібінде көлем – 12%-ға, тау-кен өндірісінде – 12,1%-ға, электрмен жабдықтауда 20,8%-ға ұлғайды”,- деп атап өтті экономика басқармасының басшысы Қуанышбек Қалижанов облыс әкімдігінің отырысында.

Құрылыс саласында орындалған жұмыс көлемі 22%-ға артты. 2023 жылдың қаңтар-қыркүйек айларында жалпы ауданы 137 мың шаршы метр болатын тұрғын үй ғимараттары пайдалануға берілді.