Петропавлда коммуналдық қызметтер күшейтілген жұмыс режиміне көшті

Ауа райы жағдайының нашарлауына байланысты коммуналдық қызметтер күшейтілген жұмыс режиміне көшті, деп хабарлайды QZ Media тілшісі.

Түнде көшелерді механикаландырылған тазалау жұмыстары жүргізілді. Таңғы сағат 6:00-де мамандар жолдарды, тротуарларды, аялдамалар мен жаяу жүргіншілер өткелдеріне арнайы қоспа себе бастады. Мұндай жұмыстар орталық көшелерде де, шеткі аудандарда да жүргізіледі. Жұмысқа 40 техника мен 80-нен астам адам жұмылдырылған. Қажет болған жағдайда техника мен бригадалар саны көбейеді.

«Ikomek-109 ахуалдық орталығы тәулік бойы тұрғындардың өтініштерін қабылдап, өңдеу үшін коммуналдық қызметтерге жібереді. 109 байланыс орталығына хабарласудың бірнеше жолы бар: әлеуметтік желілер (Instagram), telegram боты (@petropavl_109_bot), Aikey мобильді қосымшасы, 109 қысқа нөмірі», – деп толықтырды Петропавл қаласы әкімдігінің баспасөз қызметі.