Солтүстікқазақстанжық Александр Должиков өмірінің 39 жылын электр желісі саласына арнаған
«Солтүстік Қазақстан ЭЖТК» АҚ-ның Қарағоға шеберханалық учаскесінің шебері Александр Владимирович Должиков еңбек жолындағы ерекше белесті атап өтуде – оның осы саладағы тәжірибесі 39 жылға жетті. 62 жастағы, 5-ші дәрежелі рұқсат тобы бар маман кәсіби жолын 1985 жылы электромонтер болып бастап, содан бері өңірдің тұрақты электрмен жабдықталуын қамтамасыз етуге өз өмірін арнап келеді, деп хабарлайды QZ News.
«СҚ ЭЖТК» АҚ-да еңбек еткен жылдары Александр Владимирович өз ісіне жауапты әрі жоғары білікті маман ретінде танылды. Оның еңбегі басшылық тарапынан еленіп, бірнеше рет марапатталды. Оның басшылығымен жұмыс істейтін бригада республикалық жарыстарда бірнеше мәрте жүлделі орындарға ие болып, шеберлік пен үйлесімділіктің жоғары деңгейін көрсетті.
Александр Должиков атқарылған жұмыстар сапасының жоғары стандарттарын сақтау – абырой ісі деп есептейді. Оның тәжірибесі мен кәсібилігінің арқасында апаттарды дер кезінде жою, олардың саны азайып, еңбек қауіпсіздігі қамтамасыз етіледі. Өз ісіне адалдығы мен кәсібилігі оның әріптестері арасында зор беделге ие болуына ықпал етті.
Ол әлі де кәсіпорынның дамуына үлкен үлес қосып, өз мамандығына шексіз берілген нағыз еңбек адамының үлгісін көрсетіп келеді.
Айта кетерлігі, Александр Владимировичтің ұлы мен қызы да әкелерінің жолын қуып, өмірлерін энергетика саласымен байланыстырған.