С. Мұқанов атындағы қазақ сазды-драма театрында XXVII маусым жаңа қойылымдармен басталды

С. Мұқанов атындағы қазақ сазды-драма театрында XXVII театр маусымының салтанатты ашылуы өтті. Көрермендер үшін «ТЕАТР… ӨМІР… ТАРИХ» атты концерт ұйымдастырылды, деп хабарлайды QZ NEWS тілшісі.

Жаңа маусым ұзақ уақыт бойы жүргізілген еңбектің нәтижесі болды. Концерт театрдың жарқын тарихы мен Солтүстік Қазақстан облысының мәдениетіне қосқан үлесі туралы бейнефильммен басталды.

Сахна сыртында өз ісіне берілген нағыз жанкүйерлер еңбек етеді: актерлер, оркестр, би ұжымдары және ерекше «Sensitive» би театры. Олардың әрқайсысы көрерменге жай ғана спектакль емес, ұлттық болмысты және қазақ халқының бай мәдени мұрасын айшықтайтын терең оқиғаларды жеткізу үшін жанын салды.

«Біздің театрда үлкен шығармашылық ұжым бар. Оның ішінде көптеген жас актерлер бар, кейбірі маусым ашылуында алғаш рет өнер көрсетпек. Қыркүйекте біз С. Мұқановтың мерейтойына арналған «Мөлдір махаббат» премьерасын, сондай-ақ «Смағұл шыңы» қойылымын ұсынамыз. Бұдан бөлек, көрермен сүйіп көретін басқа да спектакльдеріміз болады», — деді С. Мұқанов атындағы қазақ сазды-драма театрының көркемдік жетекшісі Даурен Тойбазаров.

Маусымның ашылуына Петропавлдың бүкіл шығармашылық қауымы мен өнерсүйер қала тұрғындары жиналды. Театр кез келген көрерменге арналған ауқымды бағдарламаны ұсынады: ересек өнер сүйер қауымнан бастап, ең жас көрермендерге дейін. Мұнда әркім өзіне керегін таба алады — жеңіл комедиялардан бастап терең драмаларға дейін, сондай-ақ ертегілер мен әсерлі би қойылымдары да бар.