Қазақстандықтарға теле және радио хабар таратудың уақытша тоқтатылатыны ескертілді
July 14, 2025 13:17
Қазақстанда телеарналар мен радиостанциялар уақытша хабар таратуды тоқтатады, деп хабарлайды QZ News Tengrinews.kz-ке сілтеме жасап.
«Қазтелерадио» АҚ мәліметінше, телерадио хабарларын үздіксіз әрі сапалы тарату мақсатында тоқсан сайын спутниктік, цифрлық және аналогтық эфирлік желілердің техникалық құралдарында жоспарлы-профилактикалық жұмыстар жүргізіледі.
«2025 жылғы 16 шілде күні сағат 03:00-ден 17:00-ге дейін спутниктік, цифрлық және аналогтық эфирлік желілердің техникалық құралдарында жоспарлы-профилактикалық жұмыстар жүргізіледі. Жұмыс барысында Қазақстан аумағында телерадиоарналардың уақытша хабар таратуы тоқтатылады», – делінген хабарламада.