Күзгі көңіл күйді көтеретін 5 сусынның рецепті

Күз – жанға жайлы жылылық пен ерекше атмосфераны аңсайтын уақыт. Мұндай сәтте ең керегі – жылытып қана қоймай, көңіл-күйді көтеретін сусындар. QZ NEWS редакциясы сіздерге күзгі көңілсіздікті жеңілдететін бес түрлі рецепт ұсынады.

Апельсинді кофе

Ащы кофенің қышқыл-тәтті апельсинмен үйлесімі – классика. Бұл сергіткіш сусынды дайындау оңай.
Керегі: бір кесе жаңа қайнатылған кофе (125 мл), апельсин шырыны (30 мл) және хош иісті арттыру үшін аздап апельсин қабығы. Қалауыңызға қарай тәттілендіріңіз. Артық калориядан қорықпасаңыз, үстін кілегей көбігімен сәндеңіз. Ал сусынды жылытуыштан көтеріңкі еткіңіз келсе, 30 мл коньяк қосуға болады.

Дәмдеуішті асқабақ латтесі

Нағыз ерекше дәм алу үшін сапалы, жаңа дәмдеуіштер қолданыңыз.

Керек өнімдер:

3/4 стақан бадам сүті

1/2 стақан қою кофе

1/4 стақан асқабақ-карамель тұздығы

Асқабақ-карамель тұздығына:

1 стақан сүйексіз құрма

1 3/4 стақан су

1/3 стақан асқабақ пюресі

2 шай қасық ваниль экстракты

2,5 шай қасық даршын

1/2 шай қасық имбирь

1/4 шай қасық мускат жаңғағы

1/2 шай қасық тұз

Құрманы 1,5 стақан сумен қайнатып, 10 минут пісіріңіз. Езбеден кейін қалған қоспалар мен суды блендерге салып, біркелкі массаға айналдырыңыз. Дайын пюрені тоңазытқышта екі аптаға дейін сақтауға болады.
Бадам сүтін асқабақ-карамель тұздығымен бірге қайнатып, араластырыңыз. Оттан алып, үстіне кофе қосыңыз. Кесе-кесеге құйып, кілегей көбігімен, даршынмен немесе ұнтақталған кофемен сәндеңіз.

Дәмдеуішті ыстық шоколад

Бұл рецепт – күзгі мұңды тарқататын нағыз құтқарушы.

Керек өнімдер:

2 стақан сиыр сүті

4 ас қасық қоңыр қант

2,5 ас қасық қою какао ұнтағы

1 шымшым тұз

2 даршын таяқшасы

2 анис жұлдызы

1/2 шай қасық ваниль экстракты

1/2 шай қасық мускат жаңғағы

Сүтті, қантты, какао ұнтағын және тұзды араластырып, баяу отқа қойыңыз. Дәмдеуіштерді қосып, қайнатып алыңыз. Отты азайтып, 10 минуттай араластырып тұрыңыз. Сервировка алдында даршын мен анисті алып тастаңыз. Қалауыңызша кілегей көбігімен, мускат жаңғағымен әсемдеңіз.

«Лондондық тұман» шайы

Жаңбырлы күнге таптырмас жылы әрі нәзік сусын.
Earl Grey шайының бір қалташасын 1/2 стақан ыстық суға 2-4 минут бұқтырыңыз. Осы уақытта 1/2 стақан сүтті жылытып, сәл көбік пайда болатындай шайқаңыз. Дайын шайға сүт құйып, 1 шай қасық қант немесе ваниль қосыңыз. Араластырып, рахаттаныңыз.

Дәмдеуішті шай

Бұл шайды алма мен даршын қосып дайындап көріңіз.

Керек өнімдер:

Алма шырыны

3-5 даршын таяқшасы, бірнеше қалампыр

Тәтті және қышқыл алма

Қара шай

Алманы жұқалап кесіп, дәнін алыңыз да, мультиваркаға салыңыз. Қалған дәмдеуіштерді және қара шайды қосып, араластырыңыз. «Бұқтыру» режимінде 10 минут дайындаңыз. Сосын 10-15 минут тұндырып қойыңыз. Дәмі ерекше, хош иісті шай дайын!