Петропавлда «Бастау» республикалық математикалық олимпиадасына 89 бастауыш сынып оқушысы қатысты

Петропавлдағы Назарбаев Зияткерлік мектебінде дарынды балалар мен талантты жастарды анықтау және қолдау орталығы «Қызылжар дарыны» «Бастау» республикалық математикалық олимпиадасының облыстық кезеңін өткізді, деп хабарлайды QZ News.

Олимпиадаға облыстың 2-4 сыныптарында оқитын 89 оқушы қатысты. Әр команданың құрамында үш оқушы болды: әр сыныптан бір оқушыдан.

“Олимпиада қазақ және орыс тілдерінде бір кезеңде – «Бәйге» (жеке жазбаша тур) форматында өтті. Бұл олимпиаданың басты мақсаты – бастауыш сынып оқушыларының математикалық қабілеттерін анықтау, қолдау көрсету, білімдерін тереңдету және кеңейту. Солтүстік Қазақстан облысының командасы 24-28 наурыз аралығында Алматы қаласында өтетін республикалық кезеңде аймақ намысын қорғайды”, – деп мәлімдеді «Қызылжар дарыны» орталығы.