Президент Жолдауы-2024: «Таза Қазақстан» экологиялық қозғалысы солтүстікқазақстандықтарды қалай біріктіруде
Мемлекет басшысы Қасым-Жомарт Тоқаевтың бастамасымен елімізде ауқымды республикалық «Таза Қазақстан» экологиялық акциясы өткізілуде. Бұл бастаманың мақсаты – тек елдегі экологиялық жағдайды жақсарту ғана емес, сондай-ақ азаматтарда экологиялық жауапкершілік ойлауын қалыптастыру, сана мен ой тазалығын сақтау, патриотизмді нығайту, табиғатқа ұқыпты қарау мәдениетін дамыту және халықтың қоршаған ортаны қорғауға қатысуын жандандыру. Жыл басынан бері Солтүстік Қазақстан облысында экологиялық жағдайды жақсарту және халық мәдениетін көтеру бағытында ауқымды жұмыстар жүргізіліп келеді. Осы бастама аясында тұрғындарға абаттандыру ережелері түсіндірілген 242 кездесу өткізілді, деп хабарлайды QZ NEWS.
Акцияларға жастар да, аға буын өкілдері де белсенді қатысуда. Мәселен, 21 сәуірде өткен «Қазақстан бойынша ағаш отырғызу күні» атты ауқымды шараға мемлекеттік органдар, қоғам белсенділері, еріктілер мен қарапайым тұрғындарды қоса алғанда 7,5 мыңнан астам адам қатысты. 21–27 сәуір аралығында 21,6 мың жасыл көшет отырғызылды, оның ішінде 18 мың ағаш және 3,6 мың бұта бар. Жалпы, жыл басынан бері өңірде 88,6 мың жаңа ағаш отырғызылды.
«Сонымен қатар, тұрақты сенбіліктер мен «таза бейсенбі» акциясына 108,3 мың адам қатысып, 71 мың аула тазаланды. Оның ішінде көпқабатты үйлердің 1813 ауласы және жеке сектордың 69,3 мың ауласы бар. Санитарлық талаптарға сәйкес 578 тарихи-мәдени ескерткіш пен 211 саябақ пен сквер ретке келтірілді. Қалалық көшелерден 61,4 мың тонна қоқыс шығарылды, оған 2459 техника жұмылдырылды», – деп мәлімдеді энергетика және тұрғын үй-коммуналдық шаруашылық басқармасында.
Айта кетейік, жұмыстың тиімділігін арттыру үшін 45 тіркеулі аккаунты бар Telegram-бот жасалды. Ол халық арасында ерекше танымалдыққа ие болды. Жыл басынан бері «Таза Қазақстан» онлайн-платформасына азаматтардан 287 өтінім түсіп, оның 263-і орындалды.
Сонымен қатар, СҚО мен Петропавлда «Табиғат трендте», «Eco Move Qyzyljar» сияқты ауқымды экологиялық акциялар өтті.