«Алтын» олжа: СҚО полиатлондары Қарағанды облысынан жеңіспен оралды

21-24 тамыз аралығында Қарағанды облысының Топар кентінде полиатлоннан Қазақстан чемпионаты өтті. Солтүстік Қазақстан облысының спортшылары жарысқа қатысып қана қоймай, нағыз сенсация жасап, 3 алтын, 2 күміс және 1 қола медаль иеленді, деп хабарлайды QZ NEWS.

Жарыстың басты кейіпкері Анастасия Гурьянова болды. Ол 16-17 жас аралығындағы топта «алтынды» жеңіп қана қоймай, спорт шебері нормативін орындады. Сондай-ақ, барлық жас санаттары арасында абсолюттік біріншілікті ұтып, ағымдағы маусымда алғаш рет облыс тарихында хет-трик жасады. Бұған дейін ол қысқы және кросстық полиатлондағы екі «абсолютті» бағындырған еді. Нәтижесінде, Анастасия – республика чемпионы атағын 20 мәрте иеленген спортшы.

Никита Тарасов та 14-15 жас санатында қатардан қалыс қалмады. Ол өз кезегінде 16-шы жеңісіне қол жеткізіп, рекордтық 307 ұпай жинап, 3 минут ішінде 44 рет тартылып, ерекше нәтиже көрсетті.

14-15 жас аралығындағы қыздар арасында Эвелина Цокур күміс жүлдеге ие болды. Ол 3 минут ішінде 97 рет итеріліп, жеке рекордын жаңартты.

12-13 жас санатында Злата Боровая оқ атудан жеке рекордын қайталап, екінші орынға көтерілді. Ал Таисия Мотякова шаңғы-роллерлік жарыста жеке рекордын орнатып, үшінші орынды иеленді. Осы жеке жеңістердің бәрі «Тимирязев ДЮСШ»-на командалық біріншілікте тағы да чемпион атағын әкелді.