«Мүмкіндіктерге қадам» турнирі: Петропавлда жекпе-жек өнері ерекше балалардың өмірін қалай өзгертуде

«Береке» спорт кешенінде «Мүмкіндіктерге қадам» атты қалалық каратэ турнирі өтті. Спорттық шара инклюзивті ортаны дамытуға және ерекше білім беру қажеттіліктері бар балаларды қолдауға бағытталды, деп хабарлайды QZ NEWS тілшісі.

Іс-шараны Петропавл қаласының Жастар ресурстық орталығы мен QaganAcademySKO спорт клубы ұйымдастырды. Турнир аутизм спектрінің бұзылыстары туралы хабардарлықты арттыру айлығына орайластырылды.

Жарыстың басты ерекшелігі – дамуында ерекшелігі бар балалардың дені сау құрдастарымен тең дәрежеде қатысуы болды. Бұл өзара құрмет пен қабылдау қағидаларын іс жүзінде жүзеге асыруға мүмкіндік берді.
Турнир П.Р.О.С.В.Е.Т. жаңа жобасының іске қосылуы аясында өтті.

Жобаның мақсаты – жастар арасында салауатты өмір салтын насихаттау және зиянды әдеттердің алдын алу.

Шараға сондай-ақ өңірдің мемлекеттік органдары мен білім беру мекемелерінің өкілдері қатысты.
Жарыстың тағы бір ерекшелігі – ерекше қажеттіліктері бар балалардың спортшылармен бірге өнер көрсетуі. Мұндай формат тең мүмкіндіктер қағидаларын дамытуға, өзара құрмет пен қабылдауды қалыптастыруға, сондай-ақ бірлескен спорттық іс-әрекет арқылы әлеуметтік интеграцияны нығайтуға бағытталған.

Ұйымдастырушылардың айтуынша, мұндай бастамалар біртұтас әрі белсенді қоғам қалыптастыруға ықпал етеді. Онда әрбір адам, даму ерекшеліктеріне қарамастан, өзін жүзеге асырып, қоғамдық өмірге белсенді араласуға мүмкіндік алады.