«Qulager» жаңа маусымды бастайды: хоккей клубы Қазақстан кубогында өнер көрсетпек

Хоккейден «Qulager» клубы жаңа спорттық маусымын бастайды. 22 тамыз күні команда Қазақстан кубогының топтық кезеңінде сынға түседі. Петропавлдықтар өнер көрсететін «B» тобының ойындары Өскеменде өтеді, деп хабарлайды QZ NEWS клубтың баспасөз қызметіне сілтеме жасап.

Алғашқы қарсылас – «Алматы» командасы. Сондай-ақ «B» тобында «Торпедо» мен «Ақтөбе» клубтары бар.

Кесте:

22 тамыз: «Алматы» — «Qulager» (15:00)

23 тамыз: «Qulager» — «Торпедо» (17:00)

25 тамыз: «Ақтөбе» — «Qulager» (15:00)

Ал «А» тобына түскен «Арлан», «Бейбарыс», «Сарыарқа» және «Горняк» командалары Қарағандыда ойнайды. Кубоктың финалдық кезеңі де шахтерлер астанасында өтеді: жартылай финал – 28 тамызда, ал финал – 29 тамызда.

Жаңа маусымда команданы бас бапкер Андрей Спиридонов басқаруда. Оның штабында аға жаттықтырушы Анатолий Васильев пен қақпашылар бапкері Максим Грязнов бар.

«Qulager» құрамасы (Қазақстан кубогы 2025/2026):
Қақпашылар: Денис Каратаев, Антон Осокин, Абылайхан Төлеубай.
Қорғаушылар: Роман Коваленко, Илья Горожанинов, Альберт Гатин, Ерлан Ербатыров, Артем Гончаров, Руслан Габазов, Евгений Бурлака, Сергей Мартынов, Станислав Тунхузин, Алексей Дерзаев.
Шабуылшылар: Батыр Марқабаев, Даниил Махамадеев, Иван Казаченко, Александр Своеволин, Евгений Попитич, Артём Бурделев, Дмитрий Исмагилов, Степан Штефан, Артем Сошников, Михаил Калиниченко, Алмаз Мұқанов, Ян Хоменко, Александр Воробьев, Герман Шапорев.

Өткен жылы «Qulager» сенсациялық нәтижеге қол жеткізген болатын: «Арланды» (3:1), «Торпедоны» (3:2) және «Алматыны» (2:1) жеңіп шыққан. Дегенмен плей-оффта команда финалға бір қадам жетпей, жалпы есепте төртінші орынға тұрақтады.